Natus Vincere ka arritur edhe fitoren e tretë në Majorin e Budapestit në CS2 ndaj B8, me rezultat (2:0) me mapa.

Me këtë fitore skuadra e yllit kosovar, Drin “makazze” Shaqiri kalon në fazën tjetër në të cilën marrin pjesë 16 skuadrat më të suksesshme në botën e CS2, 10 nga to tashmë janë bërë të ditur, derisa edhe gjashtë do ta kërkojnë kualifikimin, shkruan Arbresh.info.

Na’Vi e nisi edhe këtë ndeshje shumë mirë duke e “demoluar” kundërshtarin në ‘De Train’ map të zgjedhur nga vetë ata me rezultat 13-6.

Ndërkohë në mapin tjetër ‘De Mirage’, Na’Vi triumfoi 13-8 për ta siguruar fazën e tretë të Majorit.

Ylli kosovar “makazze” në këtë ndeshje arriti gjithsej 24 eliminime në të dy mapat.

Së bashku me Na’Vi-n edhe Faze Clan e ka siguruar tashmë kualifikimin nga faza e dytë në të tretën./Arbresh.info